ખુરશી પર કલાકો સુધી બેસવાની ટેવ આમંત્રણ આપશે આ ગંભીર બીમારીને.. 20-30 વર્ષમાં તમારા શરીરને શું થશે અસર જાણો...

આખો દિવસ ખુરશી પર બેસી રહેવું, ફોન-લેપટોપનો વધુ પડતો ઉપયોગ અને ઊંઘની નબળી સ્થિતિ આપણા શરીર માટે ઘાતક સાબિત થઈ રહી છે. નિષ્ણાતોએ એક ગ્રાફિક તસવીર દ્વારા જણાવ્યું છે કે જો આપણે આ રીતે આપણા શરીરના ખરાબ પોશ્ચરને અવગણવાનું ચાલુ રાખીશું તો ભવિષ્યમાં તેના ખૂબ જ ખરાબ પરિણામો આવશે. આપણે કેવી રીતે બેસીએ છીએ, કેવી રીતે ટેક્સ્ટ કરીએ છીએ, આપણે કેવી રીતે સૂઈએ છીએ, આ બધી બાબતોની સીધી અસર શરીર પર પડે છે. જો આ ખરાબ આદતો 20-30 વર્ષ સુધી સતત ચાલુ રહેશે તો શરીરનુ પોશ્ચરમાં ખૂબ જ ચિંતાજનક સ્થિતિમાં આવી જશે.

ગરદનની સમસ્યા

આ સમસ્યા મોબાઈલ ફોન અથવા સ્માર્ટ ગેજેટનો ઉપયોગ કરતી વખતે ગરદનને કલાકો સુધી એક જ સ્થિતિમાં રાખવાથી થાય છે. ગરદનની નબળી સ્થિતિ સર્વાઇકલ સ્પાઇન કમ્પ્રેશનનું જોખમ વધારે છે. સંકુચિત કરોડરજ્જુને કારણે હાથ અને આંગળીઓમાં કળતર અથવા દુખાવો થઈ શકે છે.

કરોડરજ્જુ(કાયફોસિસ)ની સમસ્યા

કરોડરજ્જુ (કાયફોસિસ)ના ઉપરના ભાગની વધતી જતી વક્રતા દર્શાવે છે. આ સમસ્યા સામાન્ય રીતે એવા લોકોને થાય છે જેઓ ડેસ્ક કે ખુરશી પર લાંબા સમય સુધી બેસી રહે છે. NHS મુજબ કલાકો સુધી ખુરશી પર બેસી રહેવાથી, કમરને નમેલી રાખવાથી અથવા પીઠ પર ભારે બેગ રાખવાથી પણ કાઈફોસિસની સમસ્યા વધી શકે છે.

ખભામાં દુખાવો

ખુરશીમાં લાંબા સમય સુધી બેસવાથી બંને ખભા આગળ ઢાળેલા થઈ જાય છે. જેથી માણસની પીઠ છાતીના વિસ્તારને યોગ્ય રીતે ફેલાવવા દેતી નથી અને લોકોને શ્વાસ લેવામાં તકલીફ થઈ શકે છે. તેનાથી બેક પેઈન, પેટનું ફૂલવું અને માથાનો દુખાવો પણ થઈ શકે છે. Time4Sleep એ તાજેતરમાં અવલોકન કર્યું કે યુકેમાં 70 ટકા લોકો પીઠના દુખાવાથી પીડાય છે અને 67 ટકા લોકો ગરદનના દુખાવાથી પીડાય છે.

શરીરની મુદ્રામાં કેવી રીતે સુધારો કરવો?

આ માટે બાળકોને શરૂઆતથી જ કમર સીધી કરીને બેસવાની સલાહ આપવામાં આવે છે. જો કે, તેને કસરત અને સ્ટ્રેચ એક્સરસાઇઝ દ્વારા પણ સુધારી શકાય છે. આ સાથે પુરતી ઊંઘ પણ લેવી ખુબ જરૂરી છે. રાત્રે સૂતી વખતે તમારા માથાને છાતી અને પીઠના નીચેના ભાગમાં રહે તે રીતે રાખો. જેથી કરોડરજ્જુમાં અકુદરતી રીતે બનતા વળાંકોનું જોખમ ઘટશે...